Friday, May 16, 2014

വിശ്വാസം.

വിശ്വാസം.

ദൈവമില്ലെന്ന വാദത്തിൽ 

നിരീശ്വര വാദി ഉറച്ചു നിന്നു .
ഉണ്ടെന്ന വിശ്വാസത്തിൽ ഭക്തനും .
ഭക്തൻ്റെ ധാരണ തിരുത്താൻ നിരീശ്വരവാദി 

പഠിച്ച പണി പതിനെട്ടും പയറ്റി...
പക്ഷേ ഭക്തൻ്റെ  വിശ്വാസം

 ഒന്ന് കൂടി വർദ്ധിച്ചതല്ലാതെ
ഒട്ടും കുറഞ്ഞില്ല.

 എന്ന് മാത്രമല്ല നിരീശ്വരവാദിയുടെ വാദങ്ങളെ 
ഭക്തൻ  പുച് ഛിച്ചു തള്ളുകയും ചെയ്തു.
ഒടുവിൽ  സഹികെട്ട് നിരീശ്വരവാദി 
നെഞ്ചിൽ  കൈവെച്ച് 
ആകാശത്തിലേയ്ക്ക് നോക്കി  പിറുപിറുത്തു.
 "എൻ്റെ ദൈവമേ ഞാനെങ്ങനെ ഇവനെ ദൈവമില്ലെന്നു വിശ്വസിപ്പിക്കും....?!!"

1 comment:

Gireesh KS said...

അത് കൊള്ളാം. നല്ല യുക്തിവാദി :)