Monday, August 31, 2015

തീവ്രവാദി

തീവ്രവാദി

വെട്ടിയരിഞ്ഞീടണം ഒട്ടേറെത്തല,യെന്റെ-
പ്രജ്ഞയിൽ തീവ്രചിന്തയുരുകിത്തിളയ്ക്കുന്നു.
മാബലി പണ്ടുവാണ മാതൃകാനാടാണത്രെ
കള്ളവാക്കോതിയെന്നെ കൊതിപ്പിച്ചല്ലോ വൃഥാ.

സൗമ്യമായ് എൻ  ക്ഷോഭത്തെ അടക്കിനിർത്തി,കാന്തൻ 
പറഞ്ഞു ,"കൊണ്ടുവരാം, നിന്നാശ സാധിച്ചീടാം  ''
കാത്തു ഞാൻ നില്ക്കേ , തിരിച്ചെത്തിയെൻ കൈയിൽ, ഒരു 
പാക്കറ്റ് തന്ന് ചൊല്ലി "വെട്ടിയെറിയൂ  തല,

 
ബാക്കിയുള്ളത് വൃത്തിയാക്കി നീ നന്നായ്ക്കറി 
വെയ്ക്കുക, നല്ല പുഴ മൽസ്യമാണിത് പ്രിയേ "