കുമ്പിളിൽ തന്നെ കഞ്ഞി

അത്തം പോയതറിഞ്ഞീല

തത്തകൾ തത്തിനടന്നീല

തുമ്പപ്പൂക്കൾ വിരിഞ്ഞീല,പൂ-
ത്തുമ്പികൾ പാറി രസിച്ചീല 

കുഞ്ഞുങ്ങൾ പൂക്കൂടയുമായ്‌
പൂവേ പൊലി പൊലി  പാടീല്ല.

വയലുകൾ ആടയണിഞ്ഞീല പൂ-

വാടിയലംകൃതമായീല 

ഓണത്തപ്പനെ വരവേൽക്കാൻ

പൂക്കളമെങ്ങും കണ്ടീല

ഓണനിലാവ്‌ തെളിഞ്ഞീല,നൽ 
ഓണസദ്യയൊരുങ്ങീല 

പൂവെയിൽ പുഞ്ചിരി തൂകീല്ല

മുകിലുകൾ വേദിയൊഴിഞ്ഞീല

എന്നിട്ടെന്തേ  കഞ്ഞിക്കായ്, ഈ
കോരൻ കുമ്പിൾ  നീട്ടുന്നു ...?