പരിണാമ കഥകൾ സൂചിപ്പിക്കുന്നത്

പരിണാമ കഥകൾ സൂചിപ്പിക്കുന്നത്

                          ***

എല്ലാവരും അമ്മേ എന്ന്  വിളിച്ചത്

ഒരേ ഒരാളെയാണ്

അച്ഛൻ വിളിച്ച വിളി മക്കളും

മരുമക്കളും ആവർത്തിച്ചു.
അപ്പോൾ പെറ്റമ്മയെ

വിളിക്കാൻ കുറച്ചുകൂടി
കൊഞ്ചലുള്ള  വിളി
സ്വീകരിച്ചു
 അമ്മച്ചി എന്ന്

പിന്നെ അമ്മ എന്ന വിളിക്ക്
ആവർത്തനം വരാതിരിക്കാൻ

മക്കളെ ശീലിപ്പിച്ചു
മറ്റൊരു സംബോധന

അമ്മയിൽ നിന്നും
അമ്മച്ചിയിൽ നിന്നും
പകർന്നു കിട്ടിയ
സ്നേഹംതന്നെയാണ്

മക്കളിലേയ്ക്കും
ചൊരിഞ്ഞത്....പക്ഷേ

ലോകം കൈവെള്ളയിൽ
ഒതുക്കിയ

ഇന്നിന്റെ മക്കൾ

നേടിയെടുത്ത അറിവുകളിൽ

അവർ കണ്ടെത്തി
ഒരു മൃതശരീരം

സ്വപ്നങ്ങളും വിചാരങ്ങളും

വികാരങ്ങളും ഇല്ലാത്ത

അലങ്കരിച്ചൊരുക്കി

കെട്ടി വാർത്ത

വെറും പിരമിഡ്

മമ്മി.